(كادبوري)
-شوف يا أستاذ حسام .. أنا باحب الشيكولاتة جدا وشرطي الوحيد لو ارتبطنا ببعض أني أسمي أول بنت ليا باسم الشيكولاتة المفضلة عندي (كادبوري)
-أفندم؟ حضرتك عايزة بنتي يبقى اسمها كادبوري حسام؟
-أنت مش بتسمع عن الأسماء الجديدة اللي طالعة اليومين دول ولا إيه يا أستاذ حسام .. هما يعني اللي بيسموهم أحسن مننا في إيه؟ ماتخليك مودرن شوية!
-كادبوري حسام؟ وأنا اللي كنت ناوي أسمي بنتي فاطمة؟
-هو دة شرطي وليكن في معلومك أنا كمان بحب القطط جدا
-القطط مقدور عليها .. لكن كادبوري؟؟ .. كادبوري كادبوري أمرنا لله!
(بعد ٨ أشهر من الزواج)
-أنا أشتريت لك قطة جديدة يا حبيبتي كانت عزيزة على صاحبتها جدا..عارفة اسمها إيه؟
-دي لونها زي لون الشيكولاتة ..اسمها إيه القطة الجميلة دي يا حسام؟
-اسمها كادبوري!
-أما أنه اسم لايق عليها فعلا .. كدة خلاص يا حبيبي مش هاينفع أسمي البنت بنفس اسم القطة وهاسيبك أنت تسميها براحتك
-شكرا يا أم فاطمة:)
#قصص_الصالون
#الصالون .. ادخل البيت من بابه
