كَتْب كتاب

٣ ديسمبر ٢٠٢١

-ممكن أعرف يا أستاذ مصطفى إيه أكتر صفة جذبت حضرتك فيا؟

-الحقيقة يا آنسة أسماء أنا كنت بدور على إنسانة تساعدني في تحقيق أهدافي مش تكون عقبة بيني وبين أهدافي .. وحاسس إنك أكتر واحدة تساعدني في كدة

-وإيه هي أهم أهدافك؟

-إني أكون كاتب مؤثر أنشر في الناس كل اللي تعلمته واعمل تأثير فكري كبير في المجتمع

-ويا ترى العروسة اللي تساعدك في كدة المفروض تكون عاملة ازاي؟

-تكون قارئة جيدة وبتعرف تفهم الكلام كويس بحيث أقدر أتناقش معاها في كتاباتي وتساعدني في ترتيب أفكاري وكمان تراجع اللي باكتبه قبل ما أنشره وتكون واعية بالواقع كويس والتيارات الفكرية الموجودة فيه وعندها حصيلة لغوية وفكرية جيدة وخلفية تاريخية لا بأس بها!

-وازاي حضرتك عرفت أن أنا فيا كل المواصفات دي؟

-أعتقد أن العروسة اللي بالمواصفات دي موهبتها بتظهر لوحدها ودة اللي بيحصل في المجتمع الطبيعي اللي يسمح لأصحاب المواهب أنهم يبرزوا فيه والحقيقة السوشيال ميديا دلوقتي ومواقع الانترنت أتاحت فرصة كويسة جدا للناس أنها تكتب وتعبر عن آراءها وبالتالي أصبح من السهل معرفة ثقافة العروسة وأفكارها واهتماماتها بمجرد نظرة على بروفايلها

-ويا ترى دة اللي جذب حضرتك لبروفايلي على الفيس فبحثت عن بروفايلات أسرتي كلها لحد ما راسلت والدي وجئت تتقدم لي؟

-بالضبط يا آنسة أسماء .. أنا انبهرت بعمق أفكارك وجمال عباراتك ودقة ألفاظك .. وحاسس فعلا من كتاباتك في المدونة بتاعتك وصفحتك على الفيس أن عندك الكفاءة العقلية والمعرفية اللي تؤهلك أنك تساعديني في تحقيق أهدافي.

-بس خلي بالك أن أنا برضه عندي أهداف مشابهة وهانتظر أنك تساعدني بالمثل في تحقيقها!

-اتفقنا!

-ويا ترى حضرتك ناوي تبدأ تكتب أول كتاب ليك إمتى؟

-إن شاء الله كتب الكتاب هيكون بعد كتب الكتاب!!

-أفندم؟

-قصدي يعني إني أرجو أن كتبي لكتابي عليكي يكون فاتحة خير أني أنشر أول كتاب حقيقي ليا

-(أم أسماء) على بركة الله يا أولاد

-شكرا يا طنط

#الصالون .. أول تطبيق لزواج الصالونات

ادخل البيت من بابه

#قصص_الصالون