عريس منطقي!
-أنا ملاحظ يا آنسة زينات أن المنطق من الأشياء اللي غايبة عن حياتنا ودة مأثر على حاجات كتيرة قوي في حياتنا على جميع المستويات!!
-المنطق؟ أيوة عندك حق يا أستاذ رشيد!
-الناس للأسف بتخلي تصرفاتها معتمدة على الانفعالات الداخلية اللي بتحصل جواها ودة بيخلي تصرفاتها في أحيان كتير غير منطقية ..المفروض أفعالنا في أرض الواقع تكون معتمدة أساسا على المنطق البحت بغض النظر عما يعتمل داخل نفوسنا من مشاعر وأحاسيس غير منطقية
-احم . . احم ..أنا برضه معاك في كدة يا أستاذ رشيد!
-أنا مش فاهم مثلا ليه نشتري فستان زفاف بآلاف علشان تلبسه العروسة مرة واحدة في العمر .. أو ندفع آلاف الجنيهات للكوافير علشان تتزين ليلة واحدة بس .. أو نعمل فرح بالشيء الفلاني ونكلفه قد كدة .. إيه المنطق في كدة يعني؟؟
-يعني إيه .. مش ناوي تعمل فرح ولا تشتري ليا فستان زفاف؟
-أنا ماقلتش كدة .. أنا رأيي نعمل حاجة على القد ونخلي المصاريف دي في حاجة أنفع من كدة شوية .. في أساسيات البيت مثلا خصوصا أن أنا متكفل بيها كلها .. المنطق بيقول كدة!
-منطق إيه دة يا أستاذ اللي يقول نعمل فرح أي كلام؟؟ أنا لازم فرحي مايقلش عن فرح أختي اللي اتكلف مائة ألف جنيه .. هو دة المنطق اللي أعرفه
-لكن أنا ظروفي تختلف عن ظروف جوز أختك .. كما أن فكرتي ومفهومي للفرح يختلف عن مفهومه يا آنسة زينات!
-وأنا مفهومي أن الفرح لازم كل الناس تتكلم عنه وفستان الزفاف لازم حلاوته تنطق عليا .. هو دة المنطق بتاعي!!
-وطبعا فستان الزفاف اللي أجيبهولك لازم يكون مكشوف رغم إنك محجبة .. مش كدة؟
-وهي دي عايزة كلام؟! دي ليلة الواحد بيفضل فاكرها طول عمره!
-للأسف يا آنسة زينات أنا مش قادر أستوعب المنطق بتاعك كويس لكن أتمنى لك التوفيق مع عريس المنطق بتاعك يمشي معاه!
#الصالون .. أول تطبيق لزواج الصالونات
ادخل البيت من بابه
#قصص_الصالون
www.elsalon.net
