عريس ممثل!

٢٢ يوليو ٢٠٢١

-خطيب بنتك اللي حاطط صورة المسجد الأقصى في صفحته على الفيس طلع ما بيصومش رمضان!!

-معقول؟ دي صفحته كلها آيات وحكم زي ما يكون الواد كان مجاور في الأزهر!

-زي ما قلت لك كدة .. بصراحة الواد عرف يمثل علينا صح!!

-طيب ما يمكن عنده عذر ولا حاجة .. دة البنت شكلها تعلقت بيه

-عذر إيه يا ست الكل؟ لا بيصلي ولا بيصوم وداخل علينا ماسك السبحة في إيده؟!!

-طيب هاتعمل إيه؟ هاترفضه ونرجع ندور تاني؟

-طبعا هارفضه .. ازاي هائتمنه على البت لو هو مش أمين على فرض ربنا؟

-عندك حق .. ربنا يبعت اللي أحسن منه

#قصص_الصالون

#الصالون .. ادخل البيت من بابه