عريس محتاج يتظبّط!
-وقلت لي يا أستاذ شوقي ناوي تبطل تدخين إمتى إن شاء الله؟ حضرتك عارف إني مش بطيق ريحة السجائر!
-أهو دي الحاجة اللي أنا عايزك تساعديني أعملها بعد الخطوبة يا آنسة سعاد
-أها .. طيب وبالنسبة للسهر على القهاوي مع صحابك لحد الفجر .. حضرتك ناوي تفضل تعمل كدة بعد الجواز؟
-بصراحة أنا برضه عايز حضرتك تساعديني أبطل العادة السيئة دي أثناء فترة الخطوبة وتكسبي فيا ثواب!
-وطبعا حضرتك عايزني برضه أساعدك تبطل تمشي مع بنات لأن الخطوبة تهذيب وتأديب وإصلاح .. مش كدة؟
-يا ريت يا آنسة سعاد .. أنا عارف إني باتقل عليكي بس الحب يصنع المعجزات! أنا عايزك تساعديني إني في نهاية فترة الخطوبة أبطل العادات السيئة دي وأكون إنسان أحسن من اللي قاعد قدامك دلوقتي!
-(أبو سعاد): أنا عندي اقتراح كويس جدا ليك يا أستاذ شوقي .. بدل ما تستنى سعاد أو أي واحدة تانية تساعدك إيه رأيك تساعد أنت نفسك وتبطل الحاجات دي لوحدك وتظبط نفسك كويس وبعد كدة تبقى تخطب على نضافة؟
#قصص_الصالون
#الصالون .. ادخل البيت من بابه
www.elsalon.net
