عريس صادق جداً
-لكن إيه اعتراضك يا أستاذ صادق إننا نشغل تطبيق كشف الكدب على التليفون؟ دة تطبيق بيحلل نبرة الصوت وبيعرف إذا كان اللي بيتكلم صادق ولا لا وأول ما يسمع نبرة فيها كدب بيعمل صفارة!
-بس يا عمي أنا في جلسة تعارف مش في تحقيق جنائي علشان تشغل تطبيق لكشف الكدب يتنصت عليا وأنا باتكلم!! محدش في الدنيا بيعمل كدة مع العريس
-شوف يا ابني .. أنا راجل منضبط في كل أموري وأحب كل حاجة تبقى ماشية صح .. وأنت جاي تخطب بنتي وأنا متعاملتش معاك قبل كدة .. فأسلم طريقة تعرفني أنت بتكدب ولا لا هي التطبيق دة
-لكن يا عمي ليه تشك فيا وتفترض إن أنا باكدب من الأصل وأنا عمري ما كدبت على حد
-خد بالك يا ابني أن أنت برضه هتعرف إذا كنت أنا أو بثينة بنكدب ولا لا لأن التطبيق دة بيكتشف الكدب من أي حد بيتكلم مش من حد معين .. يعني دة مصلحة لينا وليك!
-بس يا عمي .. (هاتف صادق يرن) .. ألو .. أيوة يا محسن بيه .. معلش اتأخرت عليك .. أنا تحركت أهو وفي الطريق دلوقتي .. معلش الدنيا زحمة قوي .. حوالي ساعة كدة إن شاء الله .. مع السلامة يا محسن بيه
بثينة: في الطريق؟ إيه دة يا أستاذ صادق .. حضرتك في الطريق ولا قاعد معانا في الصالون؟
-دة مديري في الشغل يا آنسة بثينة ودي كدبة بيضاء مش حاجة كبيرة يعني .. وأنا فعلا في الطريق لأن بيتكم موجود في الطريق بين بيتي والشركة
-أنا متأسفة جدا يا أستاذ صادق .. تطبيق كشف الكدب حضرتك اللي شغلته بنفسك وطلع النتيجة خلاص ..اللي بيكدب في الصغيرة بيكدب في الكبيرة وأنا مايناسبنيش أتجوز واحد بيكدب!
-آنسة بثينة .. أنت كبرتي الموضوع كدة ليه؟ كل دة علشان قلت لمديري أنا في الطريق؟
-أيوة طبعا لأن دة بيدل على طبيعة أخلاقك .. وعموما حضرتك جاي تخطب واحدة بنت ناس من بيت أهلها وعندها أصول مش بتخطب واحدة من على الطريق .. فرصة سعيدة يا أستاذ صادق!
#الصالون .. أول تطبيق لزواج الصالونات
ادخل البيت من بابه
#قصص_الصالون
www.elsalon.net
