عريس أفرنجي!
-سوري يا عمي .. أنا أصلي تايرد شوية النهاردة والفُوكَس عندي مش أحسن حاجة .. ممكن تقول لي تاني كنت بتقول إيه؟
-إيه تايرد وفوكَس دة يا ابني؟ عموما أنا كنت بقول لك على القائمة والمؤخر والذي منه!
-آه القائمة .. دونت وُري يا عمي .. أنا هابقى فِليكسبل قوي معاكم!
-فلكسبل يعني إيه يا ابني؟
-هاها .. يعني مَرِن يا عمي .. أنا كمان حاطط في ماي كونسيدريشن الفرق الكبير في المستوى المادي بيني وبينكم فمش هاكسِبِكت منكم تساهموا كتير .. أنا الحقيقة معجب بالآنسة نادية وشايف انها وُرث إت!
-أم نادية: وُرثيت؟ بتقول على بنتي وُرثيت؟
-هاها .. معناها تستحق يا طنط .. يعني ديزيرف إت! أنا عارف إني دراستي في مدرسة انترناشونال ممكن تعمل المواقف السخيفة دي لما اتكلم مع حد مش بيعرف انجلش كويس!
-نادية: وحضرتك ماتعلمتش في المدرسة الانترناشونال أن من الكورتسي والديسكريشن إن الإنسان يتكلم مع الناس باللغة اللي يفهموها؟
-يعني إيه كورتسي وديسكريشن يا آنسة نادية؟
-حضرتك كمان ماتعرفش إنجليزي كويس؟ كورتسي يعني اللياقة واللطف والأدب .. يعني بولايتنس .. تعرف دي كمان ولا ماتعرفهاش!
-أيوة أعرف بولايتنس لكن عمري ما سمعت كلمة كورتسي ولا ديسكريشن!
-أعتقد أنك لا عمرك سمعتها ولا حتى مارستها! عموما أتمنى لك فرصة سعيدة مع واحدة تانية تليق بمستواك الأدبي!
#الصالون .. ادخل البيت من بابه
#قصص_الصالون
www.elsalon.app
