عروسة مش فاهمة!
-آنسة نانسي .. أهم حاجة عندي أن العروسة اللي أرتبط بيها مش بس تكون بتسمع الكلام لكن الأهم من كدة أنها تكون بتفهم الكلام .. لأني شايف أن دي مشكلة كبيرة بيعاني منها الجيل دة!!
-تفهمه ازاي يعني يا أستاذ فاروق؟
-يعني تعرف المقصود من الكلام .. لأن للأسف مش كل الناس بتفهم المقصود من الكلام وزاد الطين بلة الانحدار اللغوي الفظيع اللي الجيل دة بيعاني منه!!
-مش متخيلة ازاي يعني حد يكون عنده مشكلة في فهم الكلام بشكل سليم طالما بيتكلم نفس اللغة!
-الحقيقة دة موجود بكثرة للأسف .. لكن ما علينا .. أنا كنت عرضت عليكي أنكم تشتروا الأجهزة الكهربائية من المعرض بتاع بابا .. وبابا مش هياخد منكم مكسب يعني هايبيع لكم بسعر المصنع .. رأيك إيه؟
-أنا عرضت الموضوع دة على ماما وهي ماوفقتش!
-طيب زي ما تحبوا .. أنا بس كان قصدي أوفّر عليكم!
-ليه حضرتك شايف أن احنا شحاتين لا سمح الله؟
-مين قال كدة بس؟ أنا كل غرضي أنكم ماتتحملوش مصاريف كتيرة في الجهاز .. علشان عارف أن عمي عليه مسؤوليات كتيرة!
-حضرتك كمان شايف أن ماما وبابا معندهمش استعداد يجهزوني؟
-أنا عمري ما قصدت أقول كدة!!
-قصدت ولا ماقصدتش .. العرض بتاعك دة بصراحة خلاني مابقتش عارفة أنت جاي تخطبني ولا جاي تجيب زبون جديد لوالدك؟
-زبون؟ واضح يا آنسة نانسي أننا لو اتجوزنا مش هنعرف نفهم بعض كويس وممكن تقولي كدة أني خلاص قررت أشوف زبون جديد!
#الصالون .. أول تطبيق لزواج الصالونات
ادخل البيت من بابه
#قصص_الصالون
www.elsalon.net
