عروسة مرتبطة!
-أما العريس اللي متقدم لك دة يا بت يا شوشو عريس لقطة وفيه كل المواصفات اللي بتتمنيها .. ومستعد يكتب الكتاب بعد ما تخلصي ثانوية عامة على طول .. قولتي إيه؟
-عارفة يا ماما أنه كويس جدا بس أنا مرتبطة!!
-مرتبطة بإيه يا بت .. جايلك سفرية برة البلد ولا مرشحة نفسك في مجلس النواب؟
-لا يا ماما .. أنا مرتبطة بواحد صاحبي!
-مرتبطة بإيه؟ واحد صاحبك؟؟
-أيوة يا ماما احنا الاتنين مرتبطين ببعض .. وأنا قررت أستناه لحد ما يخلص الثانوية العامة والكلية ويدخل الجيش ويلاقي شغل!
-ويا ترى المحروس اللي رابطك معاه دة رابط كام واحدة غيرك وراكنهم على الرف لحد ما سيادته يخلص تعليم؟
-ما تقوليش عنه كدة يا ماما .. دة بيعاملني بكل ذوق وأخلاق .. واعترف لي أنه بعد ما قابلني لغى كل ارتباطاته اللي كان عارفهم قبل مني!
-لغاهم ولا حطهم في قائمة الانتظار لحد ما يسرح بيكي شوية؟ اسمعي أما أقول لك .. أنا مش هاجبرك على أي عريس بس أحب أقول لك أن البنت اللي ترخص نفسها وتصاحب ولاد بالشكل دة يبقى خسارة فيها التربية اللي أنا ربتها لها!
-دي صحوبية بريئة يا ماما!
-لو كانت بريئة كان اختشى على دمه ومعلقيش بيه! ولاد الأصول بتدخل البيوت من أبوابها مش بيعلقوا البنات في علاقات مالهاش راس من رجلين!
#الصالون .. ادخل البيت من بابه
#قصص_الصالون
www.elsalon.app
