عروسة غير معقدة!
-آنسة إلهام .. أهم حاجة عندي إن العروسة اللي اتجوزها يكون معندهاش عقد داخلية ونتوءات نفسية وكلاكيع اجتماعية زي اللي بشوفها حواليا في المجتمع!
-يعني إيه نتوءات نفسية يا دكتور دوغري؟
-يعني اعواجاجات ومتاهات مظلمة داخل النفس تخلي صاحبها يتصرف أحيانا بطريقة لاعقلانية ومستفزة للغير
-ممكن تضرب مثال على كدة؟
-يعني مثلا ملقيش العروسة غضبت فجأة بدون سبب واضح أو تقلب البيت غم علشان معندهاش غسالة أطباق زي بنت خالتها وهكذا
-تقصد يعني العروسة تكون متزنة نفسية .. مش كدة؟
-بالضبط يا آنسة إلهام .. تكون متصالحة مع نفسها ومع العالم وبتتصرف بعقلانية وانسجام مع ما تؤمن به
-دة كلام كويس جدا .. طيب وبالنسبة لذكاءها وثقافتها؟
-الذكاء حاجة كويسة عموما لكن الحقيقة أنا مش بفضل المرأة الذكية قوي أو المثقفة بزيادة واللي عندها آراء كتير في كل حاجة .. ما بحبش مراتي تكون أذكى مني علشان ما يحصلش بيننا مشاكل!!
-علشان مايحصلش بينكم مشاكل ولا علشان ما تحرجكش بذكاءها وثقافتها أمام الناس؟ واضح يا دكتور دوغري أن أنت اللي عندك نتوءات نفسية!
-آنسة إلهام .. يا ريت ماتفهمنيش غلط .. أنا ماقصدش أن عندي عقدة من المرأة الذكية والمثقفة أنا أقصد أنها تكون ذكية ومثقفة بس مش زيادة عن اللزوم!
-الست اللي بتخاف من ربنا ذكاءها هيبقى نعمة ليها ولزوجها والراجل العاقل هايعتبر ذكاء وثقافة المرأة رصيد وسند له مش حاجة يخاف منها
-أنا معاكي في كدة .. وعلشان كدة أنا اخترت واحدة ذكية ومثقفة زيك!!
-متأسفة يا دكتور .. أنصحك تعالج نفسك من الكلاكيع الاجتماعية اللي عندك وبعد كدة تبقى تخطب .. وإذا كنت أنت معندكش عقدة من المرأة الذكية فأنا عندي عقدة من الراجل اللي بيلف ويدور!!
#الصالون .. أول تطبيق لزواج الصالونات
ادخل البيت من بابه
#قصص_الصالون
www.elsalon.net
