عروسة سلفية جدا!
-ممكن أعرف يا أخت (نهى) إيه هي المتون اللي حافظاهة؟
-مش حافظة ولا متن!
-طيب ممكن أعرف مين أهم شيوخك؟
-شيوخي؟ من أفضل شيوخي في الفقه الإمام الشافعي في الرسالة والشاطبي في الموافقات وابن رشد في بداية المجتهد وابن جرير الطبري والطاهر ابن عاشور في التفسير وأبو حامد الغزالي وابن الجوزي في الرقائق وابن مفلح في الآداب الشرعية والذهبي في سير أعلام النبلاء
-ابن عاشور؟!! حضرتك عارفة الشيخ فلان قال إيه عن تفسير ابن عاشور؟
-لا معرفش .. بس اللي اعرفه أن العلم اللي عند شيخك دة ممكن يكون أقل من العلم الموجود في براية أقلام ابن عاشور .. وأين هو من ابن عاشور وعقليته الجبارة؟
-حضرتك بتستهزئي بشيوخي أصحاب المنهج الأثري النقي؟
-لا أبدا .. دة تطبيق لمنهج السلف في تقييم الرجال حسب ما عندهم من علم وفهم وليس حسب طول ما عندهم من لحية!!
-وهو اللي يقرأ للغزالي وابن رشد يعرف منهج السلف برضه؟ برغم إني بحاول أتبع منهج السلف إلا إني لسة طويلب علم ولا أدعي أني عرفت منهج السلف كله
-أحب أوضح لك أنك بالنسبة لي عامي ومحصلتش حتى طويلب علم .. وبصراحة أنا مش شايفاك كفء ليا حتى لو كنت حافظ الكتب التسعة كلها .. فرصة سعيدة
#الصالون .. أول تطبيق لزواج الصالونات
ادخل البيت من بابه
#قصص_الصالون
www.elsalon.net
