عروسة تريد تغيير العالم

١٥ مارس ٢٠٢١

-أنا يا باشمهندس (عادل) عندي هدف في الحياة ورسالة شايفة أني لازم أقوم بيها .. ممكن أعرف إيه هدفك في الحياة؟

-الحقيقة أنا شايف يا آنسة (أهداف) أن من أهم أولوياتي هو أني أقوم بعملي الهندسي بما يرضي الله ودي رسالة برضه لازم أقوم بيها

-بس عملك دة مش هيغير العالم .. إنما الروايات اللي أنا باكتبها بحاول أوصّل فيها رسائل معينة للناس .. وحاسة أن دي الطريقة اللي ممكن أغير بيها العالم عن طريق تغيير الأفكار

-زي ما أنتي بتشتغلي في عالم الأفكار أنا برضه بشتغل في عالم المادة عن طريق تصميم مدارس ومستشفيات وبيوت جميلة ومريحة ودي طريقتي لتغيير العالم للأجمل

-تعرف أن كلامك دة فيه شوية منطق .. الناس الأكفاء اللي زيك اللي بيقوموا بأعمال عادية في نظرنا هما برضه بيغيروا العالم بطريقتهم

-فعلا .. كل واحد ليه طريقته في تغيير العالم وطالما أن كل واحد فينا هيساعد التاني على أداء رسالته وتغيير العالم بطريقته فأنا شايف أن دة هو الزواج المثالي

-كلامك دة في الحقيقة أوحى لي فكرة رواية جديدة عن شخص عادي زي حضرتك لكن العمل اللي قام بيه أدى بطريقة ما لتغيير العالم

-أنا سعيد أن كلامي معاكي هيخليكي تكتبي رواية جديدة وهابقى سعيد أكتر لو نكمل تأليف الرواية دي مع بعض بعد عقد القران إن شاء الله كتابةً وربما أيضا في الحقيقة!!

-وأنا هابقى أسعد لو أساعدك في ابتكار تصاميم معمارية جديدة لأني الحقيقة بحب التصميم من زمان لكن مجموعي مجابش كلية هندسة!

(أم أهداف): على بركة الله يا أولاد

-شكرا يا طنط

#قصص_الصالون

#الصالون .. ادخل البيت من بابه