عروسة تثق في زوجها!

٢٤ أبريل ٢٠٢١

-ممكن أعرف ليه وقفتي الدواء اللي انا وصفته لك وجبته معايا من المستشفي الأسبوع اللي فات؟

-أصل بنت عم مرات خالي قالت لي أنها جربته ومجابش معاها نتيجة

-أفندم؟ بنت عم مرات خالك بتفهم في الطب أحسن مني؟

-أنا برضه سألت صديقة واحدة صاحبتي ومانصحتنيش بيه

-صديقة واحدة صاحبتك؟ بس أنا وصفته لمرضى كتير عالجتهم وربنا شفاهم بسببه ..

-يا حبيبي أنت دكتور قد الدنيا بس أنا برضه لازم أسمع كل الآراء!

-طيب ممكن أعرف ليه بطلتي تحطي كركم في الأكل زي ما طلبت منك علشان فوايده الطبية اللي أنا اكتشفتها في رسالة الدكتوراة؟ أكيد بنت عم مرات خالك قالت لك ما تعمليش كدة .. صح؟

-لا مش صح .. أنت ليه سيء الظن كدة؟ بنت خال مرات عمي هي اللي قالت لي ماتعمليش كدة!!

#قصص_الصالون

#الصالون .. ادخل البيت من بابه