سؤال لم يُسأل!
-غريبة يا أستاذة أمل إننا قربنا نخلص جلسة التعارف وحضرتك لسة مسألتنيش عن ظروف زواجي السابق وليه طلقت مراتي زي ما بيحصل كل ما أتقدم لعروسة!
-وأنت برضه يا أستاذ ممدوح مسألتنيش لحد دلوقتي عن ظروف طلاقي زي ما كل عريس بييجي يتقدم لي بيسألني!
-أنا كنت منتظر حضرتك تسأليني الأول وبعد كدة أسألك أنا زي ما بيحصل في الهجمات المرتدة ..هاهاها!
-وأنا كمان كنت منتظرة حضرتك تسألني الأول وبعد كدة أسألك زي ما بيحصل في الجلسات النسائية!
-طيب إيه رأيك ماحدش فينا يسأل التاني السؤال دة خالص ..الحقيقة اللي ظاهر لي من شخصيتك يغنيني عن أني أسألك عن تجربتك السابقة
-(أم أمل) فكرة لطيفة جدا يا أولاد .. بس علشان ماحدش فيكم يتصدم بعد الزواج لو كان سبب الطلاق بسبب حاجة معينة الطرف التاني مقدرش يستحملها فيا ريت الأمر دة يتوضح من البداية علشان مانكررش نفس التجربة
-اتفقنا
#قصص_الصالون
#الصالون .. ادخل البيت من بابه
www.elsalon.net See Less
