زواج مُرتب !
-أهلا أميرة يا ترى إيه الأخبار .. ريهام صاحبتي عجبت محمد؟
-عجبته إيه بس يا فيروز .. بسأله بيقول لي مركزتش في ملامحها .. ما أنتي عارفة غض البصر بقى .. دة أخويا وأنا عارفاه!
-يا نهاري .. طيب دة هي كمان بتقول لي أنها ما بصتش عليه أصلا!
-يعني المقابلة اللي كنا مرتبين لها من أسبوع راحت على فاشوش!
-ما احنا لو كنا اديناهم خبر كانوا بصوا على بعض كويس .. إنما أنت أصريتي أن محدش منهم يعرف حاجة عن الموضوع لحد ما يشوفوا بعض!
-طيب والعمل إيه دلوقتي مش هاقدر أفاتحه في الموضوع غير لما أتأكد أنه شاف صورتها وفي نفس الوقت ريهام مش بتحب تدي صورتها لحد .. بصي أنا عندي فكرة ..أنتي تاخدي صورة سلفي مع ريهام وتبعتيها أوريها له وأنا اخد صورة سلفي مع محمد وأبعتهالك توريها لها وكدة محدش منهم هايلاحظ حاجة!
-يا سلام على أفكارك النيرة يا أم الأفكار
بعد عدة أيام
-فيروز .. عندي ليكي خبر كويس
-خير .. يا ترى محمد عجبته ريهام؟
-لا .. أنتي اللي عجبتيه وعايز يتقدم لك!
-يا نهاري!
#قصص_الصالون
#الصالون .. ادخل البيت من بابه
