العريس رجل أعمال!
-خطيب بنتك اللي كان بيقول عن نفسه أنه رجل أعمال طلع بيشتغل مدير أعمال لمطرب شعبي !! أنا خليت الواد حمادة يجيب قراره!!
-طيب وماله يا أخويا؟ دة شكله واد كسّيب .. أنت شفت العربية اللي كان راكبها؟
-بس دة كان بيدلّس علينا وفهّمنا أنه بيزنس مان وشغال في المقاولات .. طلع بيقاول في الحفلات والمهرجانات!!
-يعني هاتعمل إيه؟ هاتفشكل الخطوبة؟
-وهي دي عايزة كلام؟ أنا ممكن أقبل واحد صنايعي بس يكون صادق معايا!
-والبنت هاتعمل إيه..دة شكله يا عيني كان عاجبها قوي!
-معلهش تيجي على نفسها شوية لحد ما تنساه أحسن ما تتعب معاه العمر كله .. الجواب باين من عنوانه!!
-عين العقل
#قصص_الصالون
#الصالون .. ادخل البيت من بابه
www.elsalon.net See Less
