العريس الصيني

٢٩ مارس ٢٠٢١

-أنا خلاص زهقت من الرجالة المصريين وقررت أتجوز عريس صيني!

-صيني؟ أنتي اتجننتي يا بت؟!

-لا طبعا..اشمعنى الدهب صيني والجهاز صيني ومبيبقاش العريس صيني هو كمان .. على الأقل مش هاسمع منه في مرة يقول لي لما نزعل من بعض (روحي على بيت أمك) ..ولا هلاقي أهله بيتدخلوا في كل كبيرة وصغيرة في حياتنا!

-وهتتعاملي معاه ازاي العريس الصيني دة إن شاء الله؟

-ما تقلقيش عليا يا بت أنا هاخليه يمشي على العجين مايلخبطوش!

*************

-أنا تشرفت بيك يا أستاذ (صن) .. وحاسة أنك العريس المثالي اللي كنت بدور عليه من زمان

-وأنا تشرفت بمعرفتك يا أستاذة (أصالة) وحاسس أن فيك شبه كبير من أمي

-أمك؟ ليه هي ملامحي صينية للدرجة دي؟

-لا أبدا لكن أمي مصرية!

-نعم .. نعم ..أمك مصرية؟؟ أنا عارفة طبعا أنك مسلم لكن ليه مقلتليش من بدري أن أمك مصرية؟

-إيه دة؟ هي دي حاجة تضايق؟ طيب ليه أنا بقى ما اتضايقش ان أم أولادي تبقى مصرية لو أنت متضايقة أن أمي مصرية؟

-أنا متأسفة جدا يا أستاذ (صن) كنت فاكراك صيني أصلي!

-وأنا برضه كنت فاكرك مصرية أصيلة يا أستاذة (أصالة)!!

#قصص_الصالون

#الصالون .. ادخل البيت من بابه