اشتباك!
-ويا ترى حضرتك قررت تتقدم لي فقط بناء على شخصيتي الثرية ومتعددة الجوانب زي ما بتقول؟
-الحقيقة أيوة يا آنسة حياة .. أنا أذهلني أنك في كل مكان بتتركي أثر وبصمة وأقدر أقول لك أن حضور شخصيتك وتأثيرك على من حولك وتعدد مواهبك واهتماماتك الفكرية والعلمية والأدبية وقدرتك على الإقناع والأخذ بزمام المبادرة بالإضافة لأعمالك التطوعية من النادر إني ألاقيهم مجتمعين في شخص واحد!
-لكن أنا شايفة إني طبيعية جدا .. أنا بس بحاول أعمل كل حاجة شايفة نفسي فيها!
-دة يدل على علو همتك وسعة مداركك .. وأنا لو جيت أقارنك مع بنات اليومين دول مش هلاقي وجه للمقارنة!!
-وليه حضرتك بتقول عني إني اسم على مسمى؟
-الشخصية اللي زيك الأمريكان بيقولوا عليها larger than life لكن أنا شايف أن أنت شبه الحياة بكل تنوعاتها .. لا أكثر ولا أقل!
-ودة ازاي يناسب طبيعتك زي ما بتقول؟
-لأن عندي طموحات واهتمامات كتيرة في جوانب متعددة من الحياة وشايف أن أنت أكتر واحدة ممكن تفهمني وتساعدني في تحقيق طموحاتي المختلفة إلا إذا كنت هاتجوز أربع عرايس مرة واحدة كل واحدة منهم تساعدني في حاجة .. هاهاها!
-يعني حضرتك هاتعتبر جوازك مني عملية توفير مش كدة؟ عروسة واحدة بنفس إمكانات أربع عرايس؟
-لا يا آنسة حياة ماتفهمنيش غلط .. أنا باعتبر جوازي منك عملية اشتباك مع الحياة من جوانبها المختلفة
-حضرتك بتعتبر الجواز عملية اشتباك؟
-أقصد يعني تفاعل مع الحياة .. أنتي هتكوني بمثابة النافذة اللي أطل منها على الحياة .. أو مجموعة نوافذ في الحقيقة!!
-أربع نوافذ .. مش كدة؟
أم حياة: يا حياة يا بنتي ماتعقديش الدنيا .. الراجل جاي شاريكي يا بنتي!!
-أنا بس بحاول أفهمه كويس يا ماما مش أكتر!
-أنا فعلا شاريكي يا آنسة حياة وحاسس أني ممكن أغير العالم بعون الله لو أنتي بقيتي مراتي!
-على بركة الله يا أولاد
-شكرا يا طنط
#الصالون .. أول تطبيق لزواج الصالونات
ادخل البيت من بابه
#قصص_الصالون
www.elsalon.net
