إيجار جديد

١٥ يناير ٢٠٢٢

-إزاي يا دكتور نايل عايز هناء بنتي تسكن في شقة إيجار جديد؟

-لأن إمكانياتي حاليا يا طنط ما تسمحش إني أشتري شقة تمليك وبعدين أنا جاي لي عقد عمل في مستشفى كبيرة في الكويت وأول ما أستقر هناك إن شاء الله هابعت لهناء ويبقى سكننا هناك مش في مصر

-بس يا بني لازم يبقى لكم مكان في مصر ترجعوا عليه في الأجازات

-المكان سهل نلاقيه يا طنط لو هي كلها حكاية شهرين في السنة .. وماتنسيش أن حضرتك لما تجوزتي عمي من ٣٠ سنة سكنتم في شقة إيجار ولسة ساكنين فيها لحد دلوقتي

-أيو يا بني دة كان إيجار قديم .. دلوقتي الظروف اتغيرت وقوانين الإيجار تغيرت .. أنا عايزة اللي يتجوز هناء يكون ملو هدومه علشان يهنيها ويستتها مش يسكنها في شقة بالإيجار!

-إن شاء الله لما أرجع مصر أكون كونت نفسي يا طنط وسكنا في شقة الأحلام .. لكن دلوقتي لو كان فيه شيء بيدى كنت أقدر أشتري لها جزيرة ويخت فضى!!

-إحنا مش عايزين جزيرة ويخت فضي إحنا عايزين شقة تمليك وعربية جديدة!

-يا طنط أنا أعرف ناس اتجوزوا فوق السطوح ودلوقتي ساكنين في فلل .. إيه المشكلة لما أبدأ حياتي زيهم من الصفر؟ الأهم من عقد الشقة هو اللي العقد اللي هعامل بيه بنتك قدام ربنا .. دة اللي هايخلي هناء إن شاء الله تعيش في هناء .. دة اللي يخليها تتهنى مش تتهان!

-أبو هناء: الدكتور نايل عنده حق يا أم هناء واحنا بنشتري راجل مش بنشتري شقة وعربية .. واحد محترم زيه وليه مستقبل يعامل هناء بالمعروف أحسن من واحد ملو هدومه زي ما بتقولي وعنده فيلا ومايقدرهاش أو لا قدر الله يهينها.. على بركة الله يا أولاد

-شكرا يا عمي

#الصالون .. أول تطبيق لزواج الصالونات

ادخل البيت من بابه

#قصص_الصالون